Mae Gorsedd Beirdd Ynys Prydain yn rhan annatod o'n diwylliant. Mae'n cynnal seremonïau'r Eisteddfod Genedlaethol ac yn anrhydeddu pobl sydd wedi gwneud cyfraniad sylweddol i'r iaith Gymraeg a Chymru. Mae hefyd yn hybu cysylltiadau gyda gwledydd Celtaidd eraill a gyda'r Wladfa.

Prif amcan yr Orsedd yw datblygu, hyrwyddo, a chyfoethogi barddas, llenyddiaeth, cerddoriaeth, a chelfyddyd yng Nghymru.